الى الشباب الباحثين عن عمل:

-

  لاعمل، ولاحاجة، ولا تعب، ولا وجع قلب، وهتصحى بدرى كل يوم.. ليه؟.. هأقولك على وصفة سحرية: تضربلك دقن، وتشوفلك جلابية، وتجيب المقص وتروح قارضها من تحت، وتروح لابسها ركبك هتبان، وياسلام لو شبشب بصباع، عشان الجزمة حرام، وتفضل طول النهار تقول قال، وقال الرسول، ومتنساش الأدان يأدن تكون أول واحد فى الصف، وبعد متخلص صلاة تيجى قدام المشاخخ القدام تكفر كل اللى تعرفهم حتى أبوك، وأمك، وتسب فى اللى رايح، واللى جاى، وبعدين لما تكدب، ولا تحلف كدب، ولايهمك ياباشا، قول للمشاخخ القدام هصوم تلات أيام، وتانى يوم تقول أنا صايم، ومتصومش، وبعدين اعمل اللى يجى على بالك بس متخليش الناس تشوفك(المشاخخ بس اللى تشوفك).. وبعدين عد شهرين هاتلاقى الفلوس تنزل عليك زى الرز، وشهرين كمان هتكون بتتمطع فى أجدعها عربية آخر موديل، وعيش حياتك..